انت مدير تسويق شاطر ؟
مدير التسويق الشاطر هو اللي بيهتم بالأشتراك في المعارض و يحافظ علي مظهر و ايمدج شركته في السوق
المقال ده لكل مدير تسويق او فرد من افراد فريق التسويق و عايز يشتغل صح و يعمل #بيزنس_بجد للشركة و المؤسسة او المصنع التابع له
ادارة التسويق في اي مكان هي اول ادارة بتتحمل مسئولية نجاح او فشل الشركة و نجاح الترويج للمنتج او الخدمة اللي بتقدمها الشركة
و بما انك اصبحت مدير تسويق فبكل تأكيد انت مصدر ثقة لصاحب العمل او مدير المصنع او المؤسسة و اكيد هو بيثق في امكانياتك و مهاراتك التسويقية و البيعية
و علشان تكون جدير بالثقة ده و قد المسئولية لازم تطور من نفسك بأستمرار و تطور ادواتك التسويقية
مدير التسويق الشاطر لازم يكون من ضمن اولوياته الاشتراك بالمعارض المتخصصه بمجال عمل شركته
و هدفه من كدا هو تعريف و ترويج اسم الشركة للعملاء و المنافسين
هتسأل تقول ازاي اعرف المنافس بمنتجي و خدماتي ؟؟ و ليه و هل ده صح ؟
الاجابه .. طبعآ لازم تعرف المنافسين بشغلك لان كدا كدا هيعرفوا و هيدرسوا شركتك كويس لكن بدون علمك
و هنا بقا شطارة مدير التسويق
انه يعرض منتجاته و خدماته بكل قوة و بطرق جذابة تبهر المنافس قبل العميل
لان الانطباع اللي هياخده المنافس ان ده شركة قوية مش سهل التغلب عليها و مش خايفين من المنافسة زي شركات كتير بتقفل علي نفسها و بتخاف تظهر و بالتالي مع الوقت بيختفوا من السوق بعد فترة و كلنا عارفين شركات كتير بالأسم وقعت في الخطأ ده و بسبب رعبهم من المنافسه
?? نصيحة لكل مدير تسويق شاطر .. اشترك في معارض متخصصة في مجالك و حافظ علي مظهر و ايمدج شركتك و و تكون دائمآ بكامل اناقتها خلال فترة المعرض
عن طريق...
- عمل دورات تدريبية مصغرة للموظفين اللي هيشاركوا بالمعرض و شرح اهمية المعرض و سبب تواجد الشركة بالمعرض
- تبعت لكل العملاء دعوات لزيارة المعرض عشان يعرفوا منتجاتك و خدماتك الجديدة
- التحضير للمعرض بعروض جديدة و خصومات و اسعار تنافسية
- لو عندك توكيلات اجنبية من الافضل تدهو اصحاب او مديرين الشركات لزيارة المعرض حتي لو الشركة هي اللي هتتكفل بنفقات السفر و الاقامه
- اهم و اخر حاجه تصميم و تنفيذ ديكورات جناح الشركة بالمعرض يكون من خلال شركة بيزنس باي طبعآ