حاجات مهمة لازم تاخد بالك منها وانت بتصمم جناح لشركتك
لما بيكون عندنا معرض متخصص ف مجالنا بيكون الهدف الرئيسي ظهور الشركة بصورة تليق بمكانتها وباسمها ف السوق
طبعا مش اهم حاجة ديكور الجناح لان الخدمة والمنتج الي بتقدمه هو الاهم والعروض الي بتقدمها وطريقة فريق العمل في شرح المنتج او الخدمة مهم جدآ
ولكن...
الديكور هو عامل مهم من العوامل الي تخليك تحقق اهدافك من اشتراكك ف المعرض لان الزائر عينه بتشوف الجناح الاول وبعد كدا بيشوف المنتج والمعروضات وكل ما كان الجناح مبهر ويلفت الانتباه كل ما كان نسبة زيارة زوار المعرض لجناحك اكبر وبالتالي نسبة نجاح اشتراكك في المعرض اكبر
في حاجات مهمة لازم تاخد بالك منها هنتكلم عنها دلوقتي ونتمني انها تفيدك :
1- اختيار مكان الجناح او البوث مع المنظم
حاول تختار مكان مميز مش شرط مساحة كبيرة علي قد ما لازم يكون في مكان مميز وبالقرب من براندات قوية ويكون ظاهر للزوار من بعيد .
2- اشتغل علي الوان البراند بتاعك
يعني لو اللوجو لونه ازرق يبقا تبلغ المصمم يراعى اللون الازرق ف التصميم ويطعمه بلون ابيض مثلآ او رمادي فاتح لان مش هينفع نعمل ديكور احمر فى اورنج وانت االلوجو بتاعك ازرق .
3- اللوجو المضئ
يلفت الانتباه اكثر من اللوجو الغير مضئ حتي لو التكلفة اعلي لكن لاغني عنه او ممكن تعمل مثلآ لوجو واحد او اتنين مضئ والباقي غير مضئ حسب الميزانية لكن الواجهة لازم مضئ
4- الارضيات
المفروض تكون HDF بلاش الموكيت لان هتلاقي 80% من المنافسين عاملين ارضيات HDF هي هتكون سعرها اعلى شوية لكن هتفرق كتير فى مظهر الجناح الا ف حالة واحدة فقط لو المعروضات بتاعتك تقيلة جدآ ولازم يكون تحتها موكيت مع ان ده ليها حلول عندنا هنتكلم عنها بعدين
5- الوكلاء
لو عندك مجموعة توكيلات وكلهم بنفس الاهمية حاول علي قد ما تقدر يكون لكل وكيل مكان مخصص ليه ولا يقل عن استاند الوكيل التاني
طبعا لو الوكلاء حجم اعمالهم متشابه لكن لو عندك توكيل مهم وحجم اعماله اكبر من باقي الوكلاء لازم تميزه عن باقي الوكلاء لانه اكيد براند مشهور وبمجرد رؤية الزائر اللوجو بتاعه هيجذبه للجناح بتاعك
6- اختيارك لشركة الديكور
محتاج شوية تفكير ودراسة بلاش تختار الشركة علشان مجرد تصميم وسعر فقط لان شركات تنظيم معارض عالمية موجودة فى مصر حاليآ ومن فترة وبتنظم اكبر المعارض وليهم شروط وقوانين وقواعد لازم تتبعها ومش كل شركات الديكورات بتقدر تنفذ التعليمات دي وممكن تتسبب ف مشكلة ليك انت ف غني عنها
وهتلاقي نفسك بتقول ياريت كنت دفعت قرشين زيادة لحد فاهم بدل ما اوفر القرشين مع حد يغرقني او لسه بيتعلم
في شركات كتير جدآ محترمة تقدر تشتغل معاهم وانت مطمن وفي شركة واحدة بس تقدر تشتغل معاها وانت مغمض كمان مش مطمن بس وهي شركتنا طبعآ
BUSINESS BAY
0101329393
لسه فى حاجات مهمة تانى هتفيدكم بنحضرها لكم تابعونا باستمرار علشان نقدر نفيدكم باللى اتعلمناه طول 23 سنه اللى فاتوا فى مجال المعارض و المؤتمرات